പുതുവർഷത്തിൽ വിദ്യാലയത്തിന് സമ്മാനവുമായി അധ്യാപക കൂട്ടായ്മ.
കുട്ടമത്ത്:
വിദ്യാലയത്തിൻ്റെ ഭൗതിക സൗകര്യങ്ങൾ മെച്ചപ്പെടുത്തുന്നതിൻ്റെ ഭാഗമായി കുട്ടമത്ത് ഗവർമെൻ്റ് ഹയർ സെക്കൻ്ററി സ്ക്കൂളിന് പുതുവത്സര സമ്മാനമായി സ്റ്റാഫ് കൗൺസിൽ 50000 രൂപയുടെ കസേരകൾ നല്കി.3 കോടി രൂപ ചെലവിൽ വിദ്യാലയ കെട്ടിടം തയ്യാറായതിൻ്റെ തുടർച്ചയായി വിദ്യാലയത്തിൽ ഫർണിച്ചറിൻ്റെ കുറവ് അനുഭവപ്പെട്ടിരുന്നു. ഇത് പരിഹരിക്കുന്നതിൻ്റെ ഭാഗമായാണ് സ്റ്റാഫ് കൗൺസിൽ ഈ ഒരു തീരുമാനമെടുത്തത്.സ്കൂളിൽ വച്ച് നടന്ന ചടങ്ങിൽ സ്റ്റാഫ് സെക്രട്ടറി എം ദേവദാസ് ,സീനിയർ അസിസ്റ്റൻ്റ് കെ.കൃഷ്ണൻ എന്നിവർ ചേർന്ന് പ്രധാനാധ്യാപകൻ കെ.ജയചന്ദ്രന് കസേരകൾ കൈമാറി.
No comments:
Post a Comment